《反黑英雄》昨晚（11日）播出的第十四集，饰演林冰的何沛珈（Roxanne）被饰演墨西哥贩毒集团首领“狮子王”莫浩峰Sebastian疯狂暴打，Roxanne被连环叉颈、掹头髮拖行兼变人肉排球，画面极度震撼！
原来相关场口是Roxanne处女打戏，谈到在剧中被打得劲甘，其中一幕更要被大枱“降”颈，Roxanne受访时透露为求效果逼真，尽量亲身上阵：“撞落书架、掹头髮嗰啲位，我都係尽量亲身上阵，係真係会痛嘅，不过出到嚟见到效果好真实，就觉得所有嘢都係值得。”护士出身的Roxanne，笑言投入拍戏令她对卫生的讲究也大大降低：“无论环境有几污糟、我都可以照样零挣扎咁喺嗰度爬一日，都好多谢监制畀呢个机会我去尝试，我都估唔到自己喺拍嘢时会忘记晒所有框架。”
投入至忘我的Roxanne，又谓连拍摄时整亲也不自知：“返到屋企先见到原来手指损左，膝头哥又瘀咗。”Roxanne又感激山聪在其拍摄喊戏时给予不少力量：“场喊戏我觉得都几大挑战，因为係当日先收到剧本，去到真係要拍我同导演先至沟通好点样去完成呢场戏。好多谢山聪提我尽量放鬆去做，佢搭住我膊头嗰下畀到好大力量我。”
谈到剧中家居Look将其逆天长腿展露无遗，Roxanne笑言是靠镜头搭救，并大讚剧组专业：“其实每套剧不论係监制导演或是摄影师都对佢哋嘅工作好尽责，一定会尽量将演员最好嗰面拍出嚟。同埋可能因为拍《反黑》嗰段期间我开始练马拉松，所以成个身形会fit啲。”
