《2024香港小姐竞选》
完美落下帷幕
好多网友就反映
今届嘅香港小姐
相比起上一年嘅小家碧玉feel
更大气端庄有气场
有翻以前港姐嘅风范
好似今届嘅冠军倪乐琳
眼大面尖高鼻梁
就读于香港城市大学
被誉为“城大李嘉欣”
海选时已经受到关注
亚军就由
被称为“翻版朱玲玲”嘅
梁嘉莹获得
佢笑容亲切
谦虚有礼貌
季军杨梓瑶五官精致
大家都觉得佢係
高妹版嘅文颂娴
同样都係选手中嘅大热门
而“友谊小姐”称号
则被王汛文获得
连佢自己都表示
非常惊喜与兴奋
阅女无数嘅“总经理”曾志伟话
自己第一次完美咁
贴中晒最后嘅4强
佢亦相信
今届港姐嘅成绩
会令到观众满意
//////////
2024年嘅香港小姐主题
係“Proud To Be A Woman”
完全从女性角度出发
展示女性最美嘅姿态
女评委、女主持、
就连问答环节嘅问题
都偏向女孩子嘅角度
令屏幕内外嘅女士
睇完都觉得一阵暖意
过往嘅港姐舞台
都兴邀请天王、男神登台助阵
俊男衬美女
其实都抢到收视率
而今次为咗配合女性主题
演出嘉宾就特别邀请咗
Sally叶蒨文
Sally姐一身闪亮造型登台
尽显女强人风范
送上《千个太阳》《一样的月亮》
《Can’t Take My Eyess Off You》
等等歌曲嘅串烧
值得一提嘅係
今次港姐竞选新增咗
“智囊百选女神”奖项
而获奖嘅就係
今季港姐季军杨梓瑶啦
佢因为身材高挑
喺泳装问答环节
一出场就已经抓住全场嘅眼光
当被问到最能代表香港嘅
“双餸饭”菜色时
佢竟然答出“杨枝甘露”
呢款甜品嘅名称
睇紧港姐嘅观众
隔住屏幕都戥佢紧张
但好彩佢又识兜
话呢款甜品代表开心
令成个答案嘅尴尬感觉少咗
反而显得有啲可爱添
杨梓瑶喺紧张高压嘅舞台上
淡定自信咁讲出“杨枝甘露饭”
可以话改写咗香港嘅“名物史”
撰写咗自己参选港姐嘅高光时刻
又为港姐选举舞台更新咗
一个新嘅名场面
呢种离谱又鬼马嘅
香港代表菜
帮佢收获咗高分
水到渠成做埋“智囊百选女神”
今次港姐竞选
主张以女性角度出发
真係鼓励女孩子勇敢表达自己
亦令每位靓女更加自强、自信
希望大家以后都可以
勇敢show出自己嘅魅力
好似“杨枝甘露饭”咁
处处闪闪发光
